Keppni
Klúbbur matreiðslumeistara kynnir Kokkalandsliðið 2021-2022
Klúbbur matreiðslumeistara sem á og rekur Kokkalandsliðið hefur valið landsliðshópinn sem tekur þátt í næsta heimsmeistaramóti í matreiðslu. Fremstu matreiðslumenn heims munu þyrpast til Lúxemborg í nóvember 2022 þar sem mótið verður haldið. Hópur sem valin hefur verið samanstendur af reynsluboltum í keppnismatreiðslu og öflugum nýliðum öll með mikinn metnað til að ná langt í faginu.
Ari Þór Gunnarsson er þjálfari liðsins, hann hefur mikla keppnis og þjálfunar reynslu, hann hefur keppt í Kokkur ársins og var meðlimur í Kokkalandsliðinu sem keppti á Heimsmeistaramótinu 2014 og 2018. Ari var aðstoðarþjálfari fyrir Norrænu nemakeppnina 2011 og 2012 en var svo aðalþjálfari 2013 og 2014 með góðum árangri.
„Hópurinn er öflugur og verkefnið er spennandi, í krefjandi keppni eins og heimsmeistaramóti er mörg atriði sem hafa áhrif á lokaniðurstöðuna. Það er verkefni mitt og hópsins að einbeitta okkur að því að vera með allt uppá 10.“
sagði Ari þegar hann var spurður hvernig verkefnið legðist í hann. Hópurinn hefur þegar hafið æfingar og mun æfa stíft næstu 18 mánuði.
„Það keppa fyrir Íslands hönd með Íslenskt hágæðahráefni í forgrunni er ótrúlega spennandi og hlítur að vera draumur hvers matreiðslumanns.“
Segir Ísak Aron landsliðsmaður en þetta er ekki í fyrsta skipti sem hann æfir fyrir stórmót því hann var meðlimur í Kokkalandsliðinu sem náði þriðja sætinu á Ólympíuleikunum í Stuttgart í febrúar á síðasta ári.
Hópurinn samanstendur af þessu níu matreiðslumönnum.
Aron Gísli Helgason Rub 23 Akureyri
Gabríel Kristinn Bjarnason aðstoðarmaður Bocuse d´or
Garðar Aron Guðbrandsson Mötuneyti Símans
Erla Þóra Bergmann Pálmadóttir Fjallkonan
Ísak Aron Jóhannsson Lux veitingar og Sælkerabúðin
Ísak Darri Þorsteinsson Lux veitingar og Sælkerabúðin
Jakob Zarioh Baldvinsson Sumac
Sindri Guðbrandur Sigurðsson Héðinn Kitchen & Bar
Sveinn Steinsson Mötuneyti Efla verkfræðistofa
„Það verður spennandi að fylgjast með þessum hóp næstu mánuðina. Það að fylgjast með metnaðarfullum matreiðslumönnum vinna með Íslenskt hráefni og þróa rétti sem eiga möguleika á stóra sviði keppnismatreiðslunnar væri ekki hægt nema fyrir velvilja styrktaraðila okkar“
segir Þórir Erlingsson Forseti Klúbbs matreiðslumeistara.
Kokkalandsliðið heldur úti síðum á samfélagsmiðlum sem og heimasíðu. Á Instagram er það @icelandicculinaryteam á Facebook er það Kokkalandsliðið og heimasíðan er www.kokkalandslidid.is
Myndir: aðsendar
-
Viðtöl, örfréttir & frumraun3 dagar síðan
Saga barónanna lifir – Veitingahúsið Hornið heldur upp á 46 ára afmæli
-
Viðtöl, örfréttir & frumraun3 dagar síðan
Viðskiptavinir okkar eiga skilið að hafa valkost: Segir Sigurður um ákvörðun MooGoo að vera opinn allt árið
-
Nýtt bakarí, veitingahús, fisk- og kjötbúð og hótel4 dagar síðan
Ný bylgja í vínheiminum – Fyrsta áfengislausa vínverslunin opnar í hjarta vínborgarinnar Bordeaux
-
Vín, drykkir og keppni3 dagar síðan
Hvað er Heitast á BWW 2025? Sóley Björk og fremstu vínsérfræðingar heims afhjúpa leyndardóma Spænskra vína
-
Viðtöl, örfréttir & frumraun2 dagar síðan
Súkkulaðið sem fór á flug á TikTok – Hvað er svona sérstakt við PortaNOIR?
-
Frétt2 dagar síðan
Fuglaflensa veldur eggjaskorti: Veitingastaðir og bakarí í vanda
-
Markaðurinn3 dagar síðan
Rósasalat – Salatið sem fær diskinn til að blómstra – Uppskriftir með rósasalati
-
Keppni3 dagar síðan
Þessir keppendur komust áfram í úrslitakeppni Tipsý og Bulleit