Kjúklingalæri frá Stjörnugrís innkölluð: hugsanleg salmonella

Matvælastofnun varar við neyslu á tveimur framleiðslulotum af buffalómarineruðum kjúklingalærum frá Störnugrís hf.  Fyrirtækið hefur innkallað vöruna. Innköllunin á eingöngu við um kjúkling með þessum tilteknu rekjanleikanúmerum.

• Vöruheiti: Kjúklingur í buffalo
• Vörumerki: Stjörnufugl
• Lýsing á vöru: Kjúklingalæri í buffaló marineringu
• Geymsluskilyrði: Kælivara
• Lotunúmer: 8019-25287 og 8019-25279
• Strikamerki: 2328812
• Framleiðandi: Stjörnugrís hf
• Dreifing: Krónan, Bónus.

Til að fyrirbyggja áhyggjur neytenda skal tekið fram að kjúklingurinn er öruggur til neyslu ef hann er eldaður í gegn. Gæta skal þess að safi frá hráum kjúklingi komist ekki í snertingu við aðra matvöru.

Leiðbeiningar til viðskiptavina: Neytendur sem keypt hafa kjúkling með þessa rekjanleikanúmerum eru beðnir um að skila honum í viðkomandi verslun. Nánari upplýsingar veitir: Stjörnugrís hf. – sjá fréttatilkynningu.

Mynd: mast.is