Íslenska Kokkalandsliðið keppir í dag á Heimsmeistaramótinu

Íslenska Kokkalandsliðið í Lúxemborg í morgun

Heimsmeistaramótið í matreiðslu var sett í gær í Lúxemborg og Íslenska kokkalandsliðið er að sjálfsögðu mætt til leiks. Liðið ætlar að fylgja eftir framúrskarandi árangri liðsins frá síðustu Ólympíuleikum í Stuttgart þar sem þau fengu brons verðlaun fyrir samanlagðan árangur í byrjun árs 2020. En íslenska liðið hlaut gullverðlaun fyrir frammistöðu sína á síðasta heimsmeistaramóti árið 2018.

Sjá einnig: Íslenska Kokkalandsliðið á verðlaunapall – „Við erum þriðja besta kokkalandslið Í HEIMI!!“

Landsliðið kom til Lúxemborg á fimmtudag og hefur verið að leggja lokahönd á undirbúninginn síðan. Þórir Erlingsson forseti Klúbbs matreiðslumeistara sem rekur íslenska Kokkalandsliðið segir undirbúninginn og ferðalagið hafa gengið vel og æfingar síðustu mánaða gefi ekki annað en ástæðu til bjartsýni. Í dag er keppt í þriggja rétta heitum matseðli sem eldaður er fyrir 110 manns. Síðan verður liðið aftur á keppnisvellinum næst komandi þriðjudag þegar keppt er í þrettán rétta fine-dining máltíð fyr­ir 12 manns, svokölluðu Chef’s Table.

Keppnismatreiðsla er í rauninni frádráttarkeppni og er fyrirkomulagið þannig að það byrja allir með 100 stig sem lækkar síðan með tilliti til snyrtimennsku, fagmennsku, útlits rétta og bragðs. Gull frammistaða er 90 stig, silfur 80 stig og brons 70 stig. Á mótinu í ár eru um 20 lönd sem taka þátt. Úrslit verða svo kynnt Lúxemborg á fimmtudaginn og liðið kemur svo heim á föstudag.

Íslenska kokkalandsliðið skipa:

Þjálfari:
Ari Þór Gunnarsson Fastus

Fyrirliði:
Sindri Guðbrandur Sigurðsson veitingastaðnum Héðinn Kitchen Bar

Aron Gísli Helgason, veitingastaðnum Héðinn Kitchen Bar
Gabríel Kristinn Bjarnason, veitingastaðnum Héðinn Kitchen Bar
Ísak Darri Þorsteinsson, veitingastaðnum Tides
Erla Þóra Bergmann, Pálmadóttir veitingastaðnum Fjallkonan
Jakob Zarioh S. Baldvinsson, veitingastaðnum Sumac
Sveinn Steinsson, Eflu verkfræðistofu
Ísak Aron Jóhansson, Lux Veitingum
Chidapha Kruasaeng, Mosfellsbakarí og HR Konfekt
Ívar Kjartansson, veisluþjónustunni Rétturinum

Aþena Þöll Gunnarsdóttir, veitingastaðnum Fiskfélaginu
Hringur Oddsson, veitingastaðnum Tides
Marteinn Rastrick, Lux Veitingum

Mynd: Brynja Kr.Thorlacius