Íslandsmeistaramót Grunnskóla Reykjavíkur í matreiðslu

Þetta byrjaði allt í Rimaskóla vorið 2004, að áeggjan Áslaugar Traustadóttur heimilisfræðikennara við áðurnefndan skóla, og hefur verið góð þátttaka alveg frá byrjun og þarna stíga framtíðar matreiðslumenn sín fyrstu spor, sem sést best á því að annar af sigurvegurum árið 2004 hann Egill, er að klára námið og útskrifast sem matreiðslumaður nú í vor.

Að sögn Áslaugar eru skólar farnir að hafa hluta af heimilisfræðinni keppni í matreiðslu og ætti fagið að styrkja svona framtak með góðum hug og þá sérstaklega nú á tímum þegar maður er ekki metinn nema hafa háskólagráður að bak við sig og enda svo sem starfsmenn í verslun.

Vegleg verðlaun er í boði, þá bæði eignabikarar og farandbikarar, en fyrir 1. sæti er sælkeraferð til London, í 2. sætið er sælkeraferð á veitingastaðinn Silfur og 3. sæti er sælkeraferð á nýopnaðan mexíkóska staðinn Tabasco.

Þeir sem standa á bak við þessa uppákomu er Rimaskóli, Menntasvið Reykjavíkurborgar, Innes, Hagkaup, Icelandair, Silfur, Tabasco, Argentína ásamt fleirum.

Hvet ég fagmenn til að mæta í Hótel og Matvælaskólann í Kópavogi og fylgjast með og hver veit nema menn finni þar efni í nema sem gætu fylgt í spor Egils og orðið matreiðslumaður.

Myndir á heimasíðu: www.kokkakeppni.is

/Sverrir

26.5.2007 19:24:41
Grunnskóla meistararnir 2007 hjá Meistarakokkunum

23.3.2006
„Kokkakeppni“ í Rimaskóla