Íslandsmeistarakeppni í Kjötsúpugerð – Svipmyndir

Keppnisreglur voru þannig að hráefnið þarf að vera sem mest íslenskt og skilyrði að kjötið sé svo, helst af hrúti en ekki skilyrði.

Hver keppandi þarf að koma með 6 lítra af kjötsúpu og leggja hana fyrir dómnefnd og gefa gestum og gangandi smakk á meðan keppni stendur.

Í ár var sú breyting að aðeins fengu veitingastaðir, félagasamtök og aðilar tengdir matvælaframreiðslu að taka þátt og voru keppendur eftirtaldir:

• Hótel Norðurljós – Raufarhöfn
• Veitingahúsið Eyrin – Þórshöfn
• Öldrunarþjónustan – Kópaskeri
• Kvenfélagið í Kjós
• Fjallalamb

Dómarar voru:

• Stefán Vilhjálmsson Kjötmatsmaður Akureyri
• Ósk Þorkelsdóttir húsavík
• Birgir Sveinbjörnsson
• Níels Árni Lund skrifstofustjóri í Sjávar og landbúnaðarráðuneytinu

Dæmt var þannig að 60% dómsins kom frá dómurum og 40% frá gestum

Sigurvegari var Öldrunarþjónustan á Kópaskeri sem var löguð af Önnu Láru og Öldu Jónsdætrum .

Er þetta framtak þeirra á Raufarhöfn til fyrirmyndar og vonandi vex keppninni ásmegin í framtíðinni og verði að landshlutakeppni sem lyki með úrslitakeppni fyrsta vetradag.

Mynd og texti: Sverrir