Frétt

Hveiti ekki tilgreint í pasta

Birting:

6 ár síðan

þann

14.12.2020

Eftir

Matvælastofnun varar neytendur með ofnæmi eða óþol fyrir hveiti (glúteni) við neyslu á Nawras Gele Vermicelli pasta. Varan inniheldur ofnæmis- og óþolsvaldinn hveiti (glúten) án þess að það komi fram í innihaldslýsingu. Miðausturlandamarkaðurinn, sem flytur inn vöruna, innkallar hana í samráði við Heilbrigðiseftirlit Reykjavíkur.

Matvælastofnun fékk upplýsingar um vöruna í gegnum RASFF evrópska viðvörunarkerfið um hættuleg matvæli og fóður og gerði heilbrigðiseftirlitinu viðvart.

Allar framleiðslulotur eru innkallaðar:

Vörumerki: Nawras
Vöruheiti: Gele Vermicelli
Strikanúmer: Ekki tilgreint
Nettómagn: 400 g
Lotunúmer: Allar lotur
Framleiðsluland: Tyrkland
Innflytjandi: Miðausturlandamarkaðurinn ehf., Lóuhólum 2-6, 111 Reykjavík
Dreifing: Miðausturlandamarkaðurinn ehf.

Viðskiptavinir sem keypt hafa vöruna geta skilað henni í Miðausturlandamarkaðinn þar sem hún var keypt gegn endurgreiðslu. Fyrir frekari upplýsingar, hafið samband við Miðausturlandamarkaðinn, Lóuhólum 2-6.

Tög:2020 Heilbrigðiseftirlit Reykjavíkur Matvælastofnun

Smári Valtýr Sæbjörnsson

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Hægt er að hafa samband við Smára á netfangið [email protected] Skoða allar greinar höfundar hér >>