Hooters og Hendrick Motorsports ná samkomulagi – deilan kostaði 900.000 dali

Skyndibitakeðjan Hooters hefur samþykkt að greiða 900.000 bandaríkjadali til þess að leysa úr kærumálum við kappakstursliðið Hendrick Motorsports, sem sakaði fyrirtækið um að hafa ekki staðið við styrktarsamning.

Sjá einnig: Gjaldþrot Hooters: Eftir 40 ár á toppnum er framtíðin óviss

Samkvæmt frétt New York Times var málið höfðað í ágúst 2024, þar sem Hendrick Motorsports krafðist greiðslu upp á 1,705 milljónir dala vegna vangoldinna styrktargreiðslu. Samkomulag náðist milli aðila þann 21. mars sl., þar sem Hooters samþykkti að greiða lægri fjárhæð til að ljúka málinu utan dómstóla.

Deilan snerist um margra ára samstarf Hooters og Hendrick Motorsports í NASCAR, þar sem Hooters hafði meðal annars styrkt ökumanninn Chase Elliott.​