Uppskriftir
Hátíðaruppskrift matreiðslumeistarans
Eftirfarandi uppskriftir eru fyrir fjóra.
Forréttur
Hvítlauksristaður humar
16 stk. Humarhalar
2 msk. Smjör
2 stk. Hvítlauksgeirar
1 pk. Blandað salat
Aðferð:
Takið humarinn úr skelinni og hreinsið. Bræðið smjörið á pönnu og pressið hvítlaukinn útí með hvítlaukspressu (passið að brenna ekki laukinn.) Látið humarhalana útí vel heitt smjörið og steikið þar til humarinn er tilbúinn. Gott er að krydda með örlitlu salti og pipar.
Takið salatið, deilið því á fjóra diska og raðið humrinum ofan á.
Gott er að bera fram ristað brauð með réttinum. Einnig er gott að bræða meira smjör á pönnunni og nota sem sósu.
Aðalréttur
Léttreyktur lambahryggur
1 stk. Léttreyktur lambahryggur
21. Vatn
2 dl. Rauðvín
1 stk. Ferskur ananas
Sinnepsgljái
5 msk. Sættsinnep
2 msk. Dijon sinnep
5 msk. Púðursykur
Aðferð:
Setjið vatn, rauðvín og hrygginn í ofnpott eða eldfast form og sjóðið í ofni við 180°C í 1 klst. Hellið vökvanum í pott og notið í sósu. Hrærið saman sinnepsgljáann og smyrjið á hrygginn. Skerið ananasinn í sneiðar og raðið á hrygginn og smyrjið sinnepsgljáa yfir.
Setjið í miðjan ofn á yfirhita í 200°C í u.þ.b. 20 mín. Gott er að stilla ofninn á grill við 250°C síðustu mínúturnar.
Meðlæti: Sykurbrúnaðar kartöflur, létt soðið grænmeti og sósa úr soðinu.
Eftirréttur
Súkkulaði ís
5 dl. Rjómi
1 dl. Sykur
2 stk. Eggjarauður
2 stk. Egg
1 stk. Vanillustöng
100 g. Súkkulaði
Aðferð:
Léttþeytið rjómann og kælið. Skafið innan úr vanillustönginni. Setjið eggin, eggjarauðurnar, vanilluna og sykurinn í hrærivélaskál og þeytið á fullum krafti í 10 mín.
Skerið súkkulaðið fínt niður og setjið í skál. Klæðið form að innan með plastfilmu og passið að ýta filmunni vel út í alla kanta.
Blandið varlega saman rjómanum, eggjablöndunni og súkkulaðinu. Hellið ísnum í formið og setjið í frysti í 6 – 8 klst.
Ábending:
Hægt er að nota hvernig súkkulaði sem er. Gott að bera fram ávexti og heita súkkulaðisósu með.
Höfundur er Alfreð Gústaf Maríusson matreiðslumeistari.
Uppskriftirnar voru birtar fyrst í tímaritinu Hjálmar, árið 2010.

-
Markaðurinn4 dagar síðan
Snjöll lausn fyrir veitingastaði – Heinz EazySauce tryggir rétta skammtinn
-
Nýtt bakarí, veitingahús, fisk- og kjötbúð og hótel2 dagar síðan
Nýr veitingastaður í Laugarási: Gísli Matthías opnar Ylju í Laugarás Lagoon
-
Viðtöl, örfréttir & frumraun4 dagar síðan
Noma snýr heim frá Japan – Tímabil hafsins komið í fullan gang
-
Viðtöl, örfréttir & frumraun2 dagar síðan
Sælkera upplifun í Hörpu: NOMA, grálúða og matarupplifun í hæsta gæðaflokki
-
Markaðurinn4 dagar síðan
Nýtt útspil fyrir bolludaginn – Kanilsnúða- og bolluveisla í einum bita
-
Markaðurinn4 dagar síðan
DreiDoppel kökunámskeið fyrir bakara og veitingafólk
-
Frétt2 dagar síðan
Viðvörun til neytenda: Framleiðslugalli í baunasúpugrunni
-
Frétt3 dagar síðan
Viðvörun: Örverumengun í melónufræjum – Neytendur beðnir um að gæta varúðar