Harðfisksúpa valin besti þjóðlegi rétturinn

Harðfisksúpa er sigurréttur hugmyndasamkeppninnar Þjóðlegir réttir á okkar veg, en úrslitin voru tilkynnt í gær Mathöll Granda af Elizu Reid forsetafrú og verndara kokkalandsliðsins. (LUM) Dómnefnd valdi fimm áhugaverðustu réttina úr hundrað og sjö innsendum uppskriftum en vinsælasti rétturinn var svo valinn í netkosningu og var markmiðið að velja þjóðlegan rétt sem yrði í boði á veitingastöðum við þjóðvegi um land allt.

Nánari og skemmtileg umfjöllun er hægt að nálgast á vef visir.is hér.

Harðfisksúpa – Uppskrift

Harðfisksúpa

Tær grænmetis-bollasúpa útbúin, ca 1 lítri.

Út í hana eru sett 200 g af smátt niðurskornum harðfiski og 50 g af rækjum, Soðið í 1 mín, tilbúið.

Þessi hugmynd þótti svo athyglisverð að nemar í Hótel- og matvælaskólanum tóku hana í gegnum þróunarferli. Hér kemur þeirra útfærsla.

Harðfiskssúpa fyrir 6 manns

Súpa

• 1 l grænmetissoð
• 1 l skelfisksoð
• 200 g beltisþari
• 200 g söl
• 200 g fjallagrös
• kryddað með þurrkaðri sæbjúga (val)
• 100 g harðfiskur (ýsa)

Aðferð

• Öllu blandað saman soðið upp og látið standa í 1,5 klst.

Meðlæti

• 300 g úthafsrækja
• 150 g harðfiskur
• 50 g söl
• Aðferð
• Rækjan er krydduð með sítrónusafa, dillolíu og salti.  Söl og harðfiskur er þurrkaður og síðan sett í kaffikvörn og búið til úr þessu fín mylsna.  Framreitt í djúpum disk.

Allar uppskriftir frá keppninni er hægt að nálgast á heimasíðu www.mataraudur.is