Nýtt bakarí, veitingahús, fisk- og kjötbúð og hótel
Hamborgarbúlla Tómasar í London slær í gegn með mjólkurhristing frá Íslandi
Hamborgarbúlla Tómasar í London, sem nefnist Tommi’s Burger Joint upp á engilsaxnesku, hóf nýverið að selja mjólkurhristinga framleidda úr íslenskri ísblöndu. Ísblandan er framleidd hjá Kjörís í Hveragerði en þetta mun vera í fyrsta sinn sem ís frá Kjörís er seldur utan landssteinanna.
Tómas A. Tómasson (Tommi) og félagar á Hamborgarabúllunni vildu bjóða viðskiptavinum búllunnar í London upp á mjólkurhristinga, rétt eins og þeir gera hér á landi. Eftir mikla leit í London og nágrenni að rétta ísnum þar sem enginn ís uppfyllti kröfur þeirra ákváðu þeir að óska eftir að fá að flytja út íslenskan ís frá Kjörís. Að sögn Tomma er Kjörísinn bæði bragðbetri og ferskari en enski ísinn.
Skemmst er frá því að segja að íslenski mjólkurhristingurinn hefur slegið í gegn hjá viðskiptavinum Tommis‘s Burger Joint. Sumir þeirra hafa tekið upp á því að hrósa mjólkurhristingnum á Twitter, sérstaklega þeim sem er með kaffibragði. Segir einn: „Mig dreymir um mjólkurhristinginn með kaffibragði hjá Hamborgarabúllunni. Hann ásækir mig.“ Annar segist hafa smakkað súkkulaðihristinginn en hann hafi heyrt að hann verði að smakka íshristinginn með kaffibragðinu. „Íslenskur ís er bestur!“
Guðrún Hafsteinsdóttir hjá Kjörís segir að góðar viðtökur við framleiðslu fyrirtækisins í Lundúnum hafi komið starfsfólki ísverksmiðjunnar í opna skjöldu. „Við höfum nú aldrei séð tækifæri til að standa í útrás fyrr og höfum bara framleitt fyrir íslenskan markað, auk þess að flytja inn Ben&Jerry‘s og Magnum, en hver veit nema það eigi eftir að breytast í framtíðinni. Við munum allavega að framleiða áfram fyrir búllurnar hans Tomma, þar sem þær opna. Svo er spurning hvort að það leiði til einhverra frekari fyrirspurna,“ segir Guðrún.
Til stendur að opna nýja Hamborgarabúllu í Berlín innan skamms og þá mun koma í ljós hvernig Þjóðverjum líkar við íslensku mjólkurhristingana sem vakið hafa lukku hjá ensku gestunum.
Myndir: Aðsendar

-
Viðtöl, örfréttir & frumraun1 dagur síðan
Nemamyndin: Hótel Saga – Veturinn 1986-1987
-
Viðtöl, örfréttir & frumraun3 dagar síðan
Þjálfarar finnska og íslenska kokkalandsliðsins undir sama þaki
-
Viðtöl, örfréttir & frumraun2 dagar síðan
Mið-Austurlenskur þemadagur hjá Sælkeramat í samstarfi við Sumac – Vídeó
-
Viðtöl, örfréttir & frumraun4 dagar síðan
Hrefna Rósa Sætran selur hlut sinn í Grillmarkaðnum, Trattoria og Rauttvín
-
Markaðurinn3 dagar síðan
Nýjar vörur og tveir nýir birgjar
-
Markaðurinn3 dagar síðan
Bragðgóðir vegan valkostir frá Lindsay heildsölu
-
Markaðurinn3 dagar síðan
Keppni í „Kvöldmatur á korteri með íslensku lambi“ á Matarmarkaði Íslands í Hörpu 8. mars.
-
Viðtöl, örfréttir & frumraun1 dagur síðan
Sætur draumur að veruleika: Dagur í lífi eiganda Sweet Aurora