Freyja Þórisdóttir stóð uppi sem sigurvegari í keppninni um Bláa Safírinn – Myndir og vídeó

Keppendur kvöldsins:
Efri röð frá vinstri:
Freyja Þórisdóttir, Svanhvít Thea, Hrafnkell Ingi, Imad, Ólafur Andri, Leó Ólafs, Jakob Eggerts.
Neðri röð frá vinstri: George, Alexander Jósef, Birkir Tjörvi.

Úrslit í keppninni um Bláa Safírinn fóru fram síðastliðið fimmtudagskvöld í hinu glæsilega Bryggjuhúsinu, þar sem stemning og fagmennska réðu ríkjum. Alls tíu keppendur, sem höfðu tryggt sér sæti í úrslitum eftir undankeppni, stigu á svið og sýndu snilli sína í drykkjagerð. Í undankeppninni, sem fram fór þriðjudaginn 13. janúar, tóku alls þrjátíu keppendur þátt.

Sjá einnig: Tíu barþjónar tryggja sér sæti í úrslitum Bláa Safírsins

Freyja Þórisdóttir frá RVK Cocktails hlaut Bláa Safírinn á úrslitakvöldi

Sigurvegari kvöldsins var Freyja Þórisdóttir frá RVK Cocktails með drykkinn Nimbu 1995. Fyrir frammistöðu sína hlaut hún hinn eftirsótta Bláa Safír og tryggði sér þar með sess meðal fremstu barþjóna landsins.

F.v. Ólafur Andri Benediktsson í þriðja sæti með drykkinn Til eru fræ og Leó Snæfeld Pálsson í öðru sæti með drykkinn Ladybug.

Í öðru sæti hafnaði Leó Snæfeld Pálsson frá Jungle með drykkinn Ladybug. Þriðja sætið hlaut Ólafur Andri Benediktsson, einnig frá Jungle, fyrir drykkinn Til eru fræ.

Keppnin um Bláa Safírinn hefur á undanförnum árum fest sig í sessi í íslensku barlífi og frammistaða keppenda þetta kvöld sýndi glöggt þann metnað og þá fagmennsku sem þar er að finna.

Uppskrift af Nimbu 1995

35ml Bombay Sapphire
35ml Lime Cordial
teskeið chaat masala
Fersk mynta, kóríander og grænt chili
Salt saline
Toppað með: Fever Tree Indian tonic water

Innblástur drykkjar: Indverska límonaðið Nimbu Pani

„Ég er ekkert smá hress og skemmtileg, langoftast amk,“

segir Freyja um sjálfa sig.

Myndir: Ómar Vilhelmsson

Vídeó