Endurbætur á bragganum í Nauthólsvík og Hlemmi mathöll fara langt fram úr kostnaðaráætlun

Miklar sveiflur eru innan kostnaðarramma Reykjavíkurborgar eða 4 milljarðar af 20 milljarða fjárfestingaramma ársins.

Fundur borgarráðs var haldinn í Ráðhúsi Reykjavíkur nú fyrir stuttu, en þar var lögð fram tillaga borgarstjóra um breytingar á fjárfestingaáætlun Reykjavíkurborgar.

Einstakir liðir vekja athygli varðandi frávik sem snýr að veitingabransanum:

„Endurgerð braggans í Nauthólsvík var áætluð 158 milljónir en er nú 400 milljónir. Í upphaflegri áætlun frá árinu 2016 var gert ráð fyrir því að kostnaðurinn við að endurhanna Hlemm væri 99,8 milljónir kr. en heildarkostnaðurinn fór yfir 308 milljónir króna. Nú á að ráðstafa 25 m.kr. að auki til að unnt sé að ljúka endurbótum og lagfæringum á loftræstikerfi Hlemmi – mathöll.“ Að því er fram kemur í fundargerð borgarráðs Reykjavíkur 16. ágúst s.l.

Mynd: úr safni