Elenora bakari með nýja bók – Útgáfuteiti á föstudaginn 4. nóv.

Metsöluhöfundurinn Elenora Rós sendir frá sér nýja bók – BAKAÐ MEIRA. Bókin er sneisafull af dýrindis uppskriftum að kökum og bakkelsi – en við gerð hennar gróf Elenora upp allar uppáhaldsuppskriftir sínar sem hafa fylgt henni og fjölskyldu hennar í gegnum árin.

„Mig langaði rosalega að búa til bók sem væri upplifun en ekki bara uppskriftir. Ég lagði mikið í að hafa lifandi myndir sem myndu heltaka augað en þó sýna lesandanum að þetta eru allt uppskriftir sem allir geta gert.

Þessi bók er tilvalin um jólin, í afmæli og annars konar veislur, gott kvöldkaffi eða sunnudagskaffi og bara almennt ef mann langar í eitthvað hrikalega gómsætt,“

segir Elenora Rós.

Bókin er innbundin og er 186 bls. Fullt verð: 5.290.- kr

Á föstudaginn 4. nóvember verður útgáfuteiti bókarinnar og verður haldið í Bakabaka, sjá facebook viðburð hér.

Myndir: aðsendar