Bjórdagurinn rólegur á Ísafirði

Ísfirðingar og nærsveitarmenn virðast ekki ætla fagna bjórdeginum eins og hann er oft kallaður en í dag eru 17 ár liðin frá því að bjór var leyfður á Íslandi eftir 75 ára bann.

Að sögn Estherar Arnórsdóttur afgreiðsludömu í áfengisversluninni á Ísafirði hefur verið fremur rólegt að gera í dag og enginn minnst á afmælið. Aðra sögu var að segja þennan dag árið 1989 þegar fólk streymdi að áfengis- og tóbaksverslunum landsins og bar út bjór í kassavís.

Viðburðurinn vakti mikla athygli og var fjallað um hann í erlendum fjölmiðlum. Svo virðist sem fólk sé fljótt að gleyma hvernig það var að búa á bjórlausu landi.

Greint frá á bb.is

Heiðar Birnir Kristjánsson