Áramótaídýfan sem slær alltaf í gegn

Þessi ídýfa toppar allar ídýfur, enda fékk hún nafnið milljón dollara ídýfa. Hún slær alltaf í gegn og það fyrsta sem klárast á veisluborðinu. Ídýfan er fljótgerð og einstaklega góð með snakki eða kexi við hvaða tilefni sem er.

Innihald

250 g rjómaostur

1 dós sýrður rjómi 10%

1 pakki Kims dipmix með sýrðum rjóma og púrrulauk

170 g rifinn 4 osta blanda frá Gott í matinn

½ rauðlaukur

6 stk beikonsneiðar

Graslaukur

Aðferð

Auglýsingapláss

1. Hitið ofninn í 200 gráður, setjið bökunarpappír á bökunarplötu og eldið beikonið þar til það er orðið stökkt. Leyfið beikoninu að kólna.
2. Setjið rjómaost, sýrðan rjóma og Kims dipmix í matvinnsluvél og hrærið þar til allt hefur blandast vel saman. Hér má einnig blanda saman við rauðlauk, beikoni og osti og láta matvinnsluvélina vinna blönduna í mjúka og slétta ídýfu. Fyrir þá sem vilja smá stökk undir tönn er betra að skera rauðlauk og beikon smátt niður og blanda saman við með sleif, ásamt ostinum.
3. Setjið í skál og skreytið með stökku beikoni, graslauk og osti.
4. Gott er að bera fram t.d. með salt og pipar snakki eða góðu kexi.

Skoða nánar hér.