Andri og Hlynur sjá um SnapChat fyrir Veitingageirann – Á leið í heimsmeistarakeppni barþjóna – Addið: veitingageirinn

Andri Davíð Pétursson bar sigur úr býtum í World Class barþjónakeppninni hér á landi og verður því fulltrúi Íslands á heimsmeistaramótinu sem fer fram í Bandaríkjunum í næstu viku.

Í fréttum í Stöð 2 er skemmtilegt innslag þar sem Andri Davíð Pétursson keppandi í heimsmeistarakeppni barþjóna í Bandaríkjunum sagði frá keppninni og sýndi áhorfendum sjússmæla og kokteilhristara sem hann hefur hannað til að ná forskoti á aðra keppendur.

Vídeó

„Fyrst og fremt snýst þetta um drykkina. En þetta snýst líka mikið um persónuleika barþjóna. Þetta er í raun og veru barþjónakeppni frekar en keppni um bestu drykkina. Það eru margir þættir sem skipta miklu máli í þessari keppni,“

segir Andri í samtali við fréttamann Stöðvar 2.

Veitingageirinn.is kemur til með að gera góð skil á keppninni, en fyrir áhugasama þá eru þeir félagar Andri og frændi hans Hlynur Björnsson Maple með snapchat veitingageirans.

Snapchat: veitingageirinn

Mynd: skjáskot úr myndbandi