Adam Dahlberg – Fiskfélagið – Veitingarýni – F&F

Adam Dahlberg

Fiskfélagið fékk til sín matreiðslumanninn Adam Dahlberg. Adam er fæddur og uppalinn í Svíþjóð, hann á ásamt Albin Wessman veitingastaðinn Adam & Albin Matstudio sem staðsettur er í Stokkhólm. Adam hefur farið víða á sínum matreiðsluferli og var meðal annars að vinna í London, París svo vann hann á nokkrum flottustu snekkjum á miðjarðarhafssvæðinu.

Áður en hann opnaði veitingastaðinn sinn vann hann með íslandsvininum Mathias Dahlgren í því að þróa áfram Norræna Matreiðslu og er þeirra framlag til þess víða þekkt. Einnig tók hann þátt í Bocuse d´Or 2012/13 fyrir hönd Svíþjóðar.

Food & Fun kokteillinn

Þessi var aðeins of beiskur fyrir minn smekk.

Fyrsti réttur kvöldsins var Karmellaður humar borinn fram með lárperu, greipaldin og humarseyði.

Fullkomin eldun á humrinum – æðislegur réttur

Annar réttur var Nautatartar með vatnakarsa, ætisveppum og ristuðum möndlum

Þetta var fínn réttur en mæjónesið yfirgnæfði bragðið

Þriðji rétturinn var Reyktar og kremaðar kartöflur í brenndu smjöri með sænskum hrognum

Hrognin voru bragðgóð og kartöflurnar voru það líka en okkur fannst þetta ekki vera að smella saman sem réttur.

Aðalrétturinn var sótað og hægeldað lamb með blaðlauk, íslenskum fjallajurtum og svörtum jarðsvepp

Aðalrétturinn var sótað og hægeldað lamb með blaðlauk, íslenskum fjallajurtum og svörtum jarðsvepp

Þetta var mjög góður aðalréttur.

Að lokum fengum við Volgt súkkulaðibrauð með birki sýrópi, mjólkur krapís og múskat

Þetta var góður eftirréttur, súkkulaðisprengja með ferskum og góðum mjólkurís

Góður matur og þjónustan virkilega góð og afslöppuð og til mikillar fyrimyndar. Kærar þakkir fyrir okkur.

/Bragi