Klúbbur matreiðslumeistara kynnir nýtt Kokkalandslið

Kokkalandsliðið
Mynd: aðsend / KM

Í gær var kynnt nýtt Kokkalandslið, en liðið mun hefja æfingar af fullum krafti í febrúar 2025 fyrir heimsmeistaramótið í matreiðslu í nóvember 2026.

Liðið mun æfa aðra hverja viku og munu æfingakvöldverðir byrja í september 2025, að því er fram kemur í fréttatilkynningu frá klúbbnum.

Þórir Erlingsson

„Við erum mjög spennt fyrir þessum nýja hópi. Liðið er samsett af einstakri blöndu af reynslumiklum keppendum og fagmönnum sem eru að byrja sinn keppnisferil.

Okkur hlakkar til vinnunnar framundan og erum bjartsýn á árangur á heimsmeistaramótinu“.

Segir Þórir Erlingsson, forseti Klúbbs matreiðslumeistara.

Meðlimir Kokkalandsliðsins

Liðið samanstendur af áhugaverðri blöndu hæfileikaríkra kokka, fyrsta má nefna reynsluboltana í liðinu:

Ísak Aron Jóhannsson, fyrirliða (Múlakaffi)
Gabríel Kristinn Bjarnason (Expert)
Kristín Birta Ólafsdóttir (Grand hótel)
Jafet Bergmann Viðarsson (Torfhús)
Úlfar Örn Úlfarsson (Fröken Reykjavík)
Hugi Rafn Stefánsson (OTO)
Bjarki Snær Þorsteinsson (Dæinn)

Svo eru það nýliðarnir sem eru að hefja keppnisferil sinn innan landsliðsins:

Wiktor Pálsson (sjálfstætt starfandi)
Bjarni Ingi Sigurgíslason (Von Hafnafirði)
Logi Helgason (Strikið Akureyri)
Andrés Björgvinsson (Lúx veitingar)
Stefán Laufar (Múlakaffi)
Bianca Tiantian Zhang (Sandholt bakarí)

Ekki má gleyma aðstoðarmönnum liðsins sem oftast eru nemar í faginu en nú þegar eru fjórir nemar skráðir sem aðstoðarmenn, en þeir eru:

Alexander Brynjarsson
Jakob Árni Kristinsson
Hákon Orri Stefánsson
Kjartan Bragi Jónsson

Þjálfari liðsins

Snædís Jónsdóttir mun þjálfa liðið, en hún þjálfaði einnig liðið sem náði þriðja sæti á Ólympíuleikunum í febrúar síðastliðin. Snædís byrjaði sem aðstoðarmaður landsliðsins 2016 og var fyrirliði hópsins sem náði á pall á Ólympíuleikunum 2020.

Það ert Klúbbur matreiðslumeistara sem á og rekur Kokkalandsliðið sem er fulltrúi Íslands á stærstu alþjóðlegu matreiðslukeppnum kokkalandsliða HM & Ólympíuleikum.

Myndir: aðsendar