Vissir þú að Bjarni Siguróli er þrusu góður bassaleikari? Sjáðu myndbandið

Bjarni Siguróli Jakobsson.
Bjarni Siguróli Jakobsson var Bocuse d’Or kandídat Íslands 2018-2019 og landaði 11. sæti í úrslitunum sem haldin voru í Lyon í janúar 2019. Hann var meðlimur og fyrirliði Kokkalandsliðsins 2013-2016 sem vann til gull- og silfurverðlauna. Einnig vann hann titilinn Kokkur ársins á Íslandi 2012.
Mynd: skjáskot úr myndbandi

Það vita nú flest allir í veitingabransanum að Bjarni Siguróli Jakobsson er einn af okkar fremstu matreiðslumönnum á Íslandi, en það eru færri sem vita að Bjarni er mjög góður bassaleikari. Bjarni var t.a.m. í Húsvísku hljómsveitinni Tony the Pony sem stofnuð var árið 2004.

Bjarni Siguróli er Húsvíkingur og flutti suður til þess að fara í nám í bassaleik í FÍH, en snéri sér síðan alfarið út á kokkabrautina og útskrifaðist frá Vox árið 2009. Bjarni starfar í dag með kokkasveitinni hjá Nomy.

Sjá einnig:

Ein öflugasta kokkasveit landsins opnar veisluþjónustu

Veitingageirinn.is fékk ábendingu um myndband á Youtube með hljómsveitinni Tony the Pony sem er hresst og skemmtilegt og tilvalið að vekja athygli á.

Með fylgir umfjöllun um hljómsveitina sem birt var í Morgunblaðinu árið 2005

Sjá fleiri fréttir um Bjarna Siguróla hér.