Líst illa á að stytta opnunartíma

Veitingamanni í miðbæ Reykjavíkurborgar líst illa á að stytta opnunartíma veitingahúsa til eitt eða tvö á nóttinni. Hann telur að fólk vilji skemmta sér til fjögur.

Styttri opnunartími skemmtistaða myndi skapa ný vandamál og samkvæmum í heimahúsum myndi fjölga.

Stefán Eiríksson, lögreglustjóri, sagði á íbúafundi í Ráðhúsi Reykjavíkur að það kæmi til greina að skemmtistöðum í miðborginni yrði lokað klukkan eitt eða tvö. Kormákur Geirharðsson veitingamaður er ekki sáttur við þessar hugmyndir. Hann segir að hópurinn sem hafi sótt fundinn hafi verið einsleitur.

Kormákur segist ekki mótfallinn því að stytta opnunartímann bara ekki jafn lengi og hugmyndir lögreglustjórans ganga út á. Lögreglustjórinn á höfðuðborgarsvæðinu hefur sagt að kemmtistaðir sem væru opnir lengur ættu að vera annarsstaðar en í miðborginni. Kormákur segist ekki gera sér grein fyrir hvert ætti að flytja skemmtistaði sem væru opnir lengur fram á morguninn.

Erna Hauksdóttir framkvæmdastjóri Samtaka ferðaþjónustunnar segist hafa heyrt af hugmyndum lögreglustjórans um styttri opnunartíma en samtökin hafi ekki myndað sér skoðun á þeim.

Greint frá á Ruv.is

[email protected]