Le kock strákarnir opna veitingastað í Ármúla

F.v. Knútur Hreiðarsson, Markús Ingi Guðnason og Karl Óskar Smárason
Markús Ingi Guðnason starfaði á Koks í Færeyjum síðastliðið sumar sem sous chef og á undan því á Mat og drykk, en Markús lærði matreiðslu í Keiser University skólanum í Flórída. Knútur Hreiðarsson starfaði síðast á Mat og drykk, en hann lærði fræðin sín á Hótel Holti. Karl Óskar Smárason starfaði með þeim Knúti og Markúsi hjá Mat og drykk, en hann lærði fræðin sín á Vox restaurant.

F.v. Karl Óskar Smárason, Knútur Hreiðarsson, Kristinn Guðmundsson höfundur matreiðsluþáttanna SOÐ og Markús Ingi Guðnason
SOÐ POP-UP Á LE KOCK
Suðarinn verður með samSOÐ með strákunum á Le KocK.
Suðarinn og Kockararnir ætla að setja saman standandi kvöldverð með standandi drykkju fram á kvöld. Þekktir réttir frá SOÐ verða á boðstólnum ásamt nýjum réttum.
Frítt verður inn og boðið verður upp á mat meðan til er.
„Víst okkur langar að styrkja einhverf börn þá væri rosa gaman ef þið gætuð borgað verð sem ykkur þykir sanngjarnt… 500kr.- 50.000kr.- jáhh eða 500.000.000kr.- eða meira til að styrkja einhverf börn“, segir í tilkynningu á facebook síðu SOÐ.
Endilega kíkið við á Ármúla 42 í Reykjavík í dag fimmtudaginn 20 júlí. P.s. Selfí með Suðaranum (Kristni) kostar 1000.-kr og fer allur ágóðinn til einhverfusamtakanna.

Frumlegir réttir hjá Le KocK og líta óstjórnlega vel út!
Á meðal rétta sem að Le KocK býður upp á er: íslensk vaffla með cornflakes kjúkling, hrásalati, sítrónupikkluðum agúrkum og sinneps majónesi. Kleinuhringur fylltur með sætri súrmjólk og hjúpaður með púðursykur karamellu og hunangs cheerios. Djúpsteikt smælki með fetaosti, vínberjum, vorlauk og hnetum. Kleinuhringur sem tengir við kókómjólk og kringlu en hann er fylltur með kúmen bragðbættri mjólkursúkkulaðimús og hjúpaður með súkkulaðikremi og kristölluði súkkulaði. Smælkiréttur með tómat chimmichurri, djúpsteiktri svínasíðu, grilluðum maís og sýrðum rjóma.

Kleinuhringur fylltur með sætri súrmjólk og hjúpaður með púðursykur karamellu og hunangs cheerios.

Smælkiréttur með tómat chimmichurri, djúpsteiktri svínasíðu, grilluðum maís og sýrðum rjóma.