Iðunn stóð sig frábærlega í Euro Skills keppninni – Úrslit kynnt í kvöld

Iðunn Sigurðardóttir

Euro Skills keppnin fór fram dagana 1. – 3. desember í Gautaborg.  Það var Iðunn Sigurðardóttir matreiðslumaður sem keppti fyrir hönd Íslands og stóð sig frábærlega.

Iðunn Sigurðardóttir og þjálfari hennar Hafliði Halldórsson

Þjálfari og dómari er Hafliði Halldórsson matreiðslumaður.  Keppnin er haldin annað hvert ár á móti World Skills keppninni.  Keppendur koma víða að frá Evrópulöndunum. Nú fara sjö keppendur frá Ísland út og keppa þau í jafnmörgum greinum, trésmíði, pípulögn, múrverki, matvælaiðn svo fátt eitt sé nefnt. Reglur keppninnar gera ráð fyrir því að keppendur séu 25 ára og yngri og mega sveinar og nemar taka þátt í keppninni.

Verkefnin í keppninni voru eftirfarandi:

• Anda galantine.
• Eftirréttur þar sem megin hráefnið er marsipan.
• Fiskréttur í forrétt.
• Skelfisréttur, þar sem meginhráefnið er „Euorpean lobster“.
• Aðalréttur. Keppendur skera fyrir.
• Heitt og kalt fingurfæði.
• Kex eða smákökur með ávaxtasalati.

Með fylgja myndir frá Euro Skills.

Úrslit verða kynnt í kvöld sunnudaginn 4. desember.

Myndir: Ólafur Jónsson, sviðsstjóri matvæla- og veitingasviðs