Uss,uss The Canadien’s is coming to Town

Frode Selvaag

Dagurinn tekinn snemma skver og brekkari því kl; 09;00 skyldi hópurinn fara í bátsferð inn á Hjemleland og skoða stöð fyrirtækisins Marin Harvest (  www.marineharvest.com ) sem er þar með eldi á lúðu, en eru út um allan heim eins og sést á heimasíðu þeirra,  þegar við komum niður á kajann beið þessi flotti bátur eftir okkur og með okkur í  ferðina slóst forstjóri Marin Harvest Magnus Skretting og sá var sko hress.

Sigldum við rólega út úr höfninni en svo gaf skipperinn allt í botn og fékk maður á tilfinninguna að verið væri að taka atriði í CSI Miami og var það bara í góðu lagi, heiðskírt og sól, og lá við að ekki væri hægt að sitja aftan á fyrir gusugangi frá sjónum, þvílíkur kraftur var í bátnum.

Að endum náðum við að kvínni og þar hélt Magnús tölu og sagði frá ýmsu sem á hans daga hefur drifið, síðan var stöðin skoðuð og held ég að það sem bar fyrir augum okkar hafi komið hópnum rækilega á óvart, veidd var upp ein lúða og okkur sýnd og henni svo sleppt út í aftur, þeir framleiða sitt fóður sjalfir og er eingöngu fiskur í því, því eins og Magnús sagði það á að vera fiskbragð að fiskinum ekkert annað bragð.

Svo héldum við á stað til baka og var stoppað við háa hamra og spilað lag með Sissel Kirkebö sem er ein þekktasta söngkona norðmanna í dag, áfram haldið eftir þennan stórkostlega atburð og siglt að Spa hotel Velvære ( www.spahotellvelvaere.no ) og var okkur boðið í sjávarréttarsúpu á veröndinni við hótelið í boði Yfirmatreiðslumanns þess Frode Selvaag, var gerður góður rómur að súpunni og héldu allir ánægðir á brott.

Um tvöleitið lagði báturinn upp að kajanum fyrir framan hótelið hans Lauritz Hansen Skagen Brygge og vorum við þá komin á svæðið þar sem festivalið var í fullum gangi. Var þá formlegri dagskrá lokið.

Hélt ég upp á hótel í smá slökun, ekki leið á löngu þar til kallinn fékk flugu í höfuðið og skyldi hún framkvæmd hér og nú, í garmana og út úr húsinu yfir götuna og að strætóstoppistöðinni, en þar ætlaði ég að taka leið 2 og fara með honum hring. Skömmu seinna kom bíllinn ( www.kolumbus.no ) ég stíg um borð og bið um hringmiða, bílstjórinn skilur mig ekki og kemur í ljós að hann er rússi og skulum við nefna hann Igor, sný ég mér að næsta farþega og bið hann að útskýra fyrir Igor hvað ég er fara fram á, og þegar Igor skyldi hvað ég vildi sagði hann hlæjandi 20 kr. farið, ég borga og sest og hefst nú ferðin, keyrði hann stóran hring og þremur korterum seinna kemur hann inn á götuna við hótelið en nú hótelmegin og hugsaði ég að þá hlyti að vera annar eins túr í hina áttina og ákvað að halda áfram og Igor keyrði bílinn eins og hann væri að missa af einhverju og áður en ég veit af er við komnir til Sandnes og inn á verkstæðislóð fyrirtækisins og segir hann við mig það er 15 mín pása, má bjóða þér kaffi inn á kaffistofu okkar, þegar þangað er komið sé minn ævinlega bjargvætt coca Cola sjálfssala og viti menn verðið er helmingi minna en í Stavanger versla 3 flöskur og er búinn að ná miðaverðinu til baka, Igor fannst skrítið að ég vildi fara rúnt með strætó og hefur hann örugglega hugsað þessi er nú ekki smá klikkaður.  Lögðum við svo af stað til Stavanger og 3 tímum og 15 mínútum seinna var ég kominn aftur inn á hótelið úr ferð sem var bara fjandi skemmtileg þó ég segi sjálfur frá .

Um kvöldið fór ég og snæddi á veitingastað sem heitir Straen og er sjávarréttarstaður ( www.herlige-restauranter.no ) flottur staður og lofaði góðu  pantaði mér fiskisúpu og Kamtjaska krabba og ætlaði svo að sjá til , súpan kom og var hún frekar sölt svo hún var borðuð með hálfum huga, næst kom krabbinn og þegar ég sá diskinn þá voru 3 bitar á við molasykur af krabbanum á disknum en minna af meðlæti, svona diskar þeir bar erta upp í manni hungrið, en mér reiknaðist til að hver biti legðist á 1110 kr íslenskar og eru menn svo að kvarta heima á klakanum,  og það fór svo að á leiðinni upp á hótel var komið við á bárujarninu í 7/11 tekin ein á norska vísu til að róa magann eftir áfallið á ressanum.

Smellið hér til að skoða myndir

Fleira tengt efni:

09.09.2008 – Fjórði hluti
Uss,uss The Canadien’s is coming to Town

30.08.2008 – Þriðji hluti
Uss, uss The Canadien’s is coming to Town 

10.08.2008 – Annar hluti
Uss, uss The Canadien’s is coming to Town

20.07.2008 – Fyrsti hluti
Nordic/Canada culinary Junior Exchange 2008

/Sverrir