Lækjarbrekka skiptir um eigendur

Lækjarbrekka

Fyrirtækið FoodCo sölsar undir sig veitingastaði en FoodCo á nú veitingastaðina Sjávarkjallarann, Sólon, Staldrið í Breiðholti, Aktu-Taktu, American Style keðjuna, Pylsuvagninn í Laugardal, Greifann á Akureyri og Eldsmiðjuna, Reykjavík Pizza company og Pítan í Skipholti.

Veitingafyrirtækið Foodco hefur nú fest kaup á hinu rómaða veitingahúsi Lækjarbrekku og fær hana afhenta á morgun föstudaginn 21 september. Guðmundur fyrrverandi eigandi Lækjarbrekku sagði í samtali við fréttamann Freisting.is að hann hefði aldrei látið Lækjarbekku frá sér nema fyrir rétta upphæð og vel það, en söluverð fékkst ekki uppgefið.

Guðmundur reiknar með því að reksturinn á Lækjarbrekku verði áfram í sömu mynd. En hvað tekur við hjá Guðmundi? ,,Ég mun sjá um reksturinn á Silfur á Hótel Borg og veisluþjónustuna þar og Kaffibrennsluna ásamt vini mínum Jóni Snorrasyni matreiðslumeistara”.

Það eru þá Guðmundur Hansson, framreiðslumaður og Jón Snorrason, matreiðslumeistari sem standa einir að 101 heild sem rekur Silfur og Kaffibrennsluna.

Mynd: laekjarbrekka.is | [email protected]

Auglýsingapláss