Gosdrykkir lækka meira en ávextir

Ávextir lækka mun minna í verði en gosdrykkir, verði svonefnt matarskattsfrumvarp að lögum. Með lækkuninni er hætt við að neysla gosdrykkja aukist, segir forstjóri Lýðheilsustöðvar.

Þetta er slæmt vegna þess að bæði ofþyngd og glerungseyðing á tönnum  er vaxandi vandamál. Neysla á sykruðum drykkjum eykur þennan vanda.

Eftir lækkunina má gera ráð fyrir að hálfs lítra kókflaska kosti 107 krónur í Hagkaup í stað 130 og 139 krónur í Select í stað 164.

Samkvæmt matarskattsfrumvarpinu verða vörugjöld lögð niður og virðisaukaskattur á matvælum lækkaður í 7%,að undanskyldum sykri og sætum matvörum.

RÚV greindi frá

[email protected]