Pol Deschepper sigraði heimsmeistarakeppni í súkkulaði í Frakklandi

Ágúst Fannar Einþórsson er tvítugur bakari og er að læra konditori á Skagen í Danmörku á hótelinu Ruths. Hann fór með einum keppanda hótelsins honum Brian Brockner að keppa í heimsmeistarakeppninni í súkkulaði.

Fréttamaður spurði Ágúst meðal annars um úrslitin:

“Brian Brockner endaði i 11 sæti og sá sem vann kom frá belgíu og heitir Pol Deschepper en hann vann þetta með miklum yfirburðum, sagði Ágúst og bætti við: það er fjöldinn allur af myndum frá keppninni og undankeppninni á heimasíðunni www.worldchocolatemasters.com og ég mæli sérstaklega með myndunum frá danmørku og ljóninu sem Kaj Carsten gerði”.

Karl Viggó Vigfússon (t.v.)

Þess ber að geta að í keppninni var einn íslenskur keppandi og ættu flestir að þekkja hann en það var Karl Viggó Vigfússon frá Guldbageren Brandrupdam, Kolding. Hann sést hér í viðtali við einn af umsjónarmönnum keppninnar.

Þetta er í ellefta skiptið sem slík keppni og sýning er sett upp og stóð hún dagana 22-25 október 2005.

Hafliði Ragnarsson lengst til vinstri

Og síðast en ekki síðst þá var enginn annar en Hafliði Ragnarsson bakari og Chocolatier einn af dómurum í keppninni. Hann er hér að ræða við keppendann Kim Rasmussen sem er að útskýra fyrir dómurum sýningargripin sinn sem er að sjálfsögðu gert úr súkkulaði.