Myndir frá opnunarpartý Múlabergs Bistro & Bar

Síðastliðinn föstudag buðu forráðamenn Kea Hótels til opnunarpartýs í tilefni af opnun veitingastaðarins Múlaberg Bistro & Bar á Hótel Kea á Akureyri.

Sjá einnig:

Nýr veitingastaður – Múlaberg Bistro & Bar

Hönnun veitingarstaðarins tókst mjög vel í alla staði Hallgrímur Friðgeirsson sá um innanhúshönnun ásamt Helgu Lund arkitekt, Friðriku Hjördísi Geirsdóttur, Ólafur Örn Ólafsson sá um drykkjar- og vínseðilinn og Haraldur Már Pétursson yfirmatreiðslumeistari staðarins gerði matseðilinn.

Ljóst þykir að ekkert var til sparað í þetta verk og mega Akureyringar og aðrir gestir því vænta mikils er þeir mæta til snæðings hér. Bæði hádegis og kvöldverðarseðillinn eru hlaðnir freistingum sem erfitt er að standast, foie gras, andarbringur og trufflu bernaise svo fátt eitt sé nefnt.

Ekki er hanstélsseðillinn af verri endanum heldur, og gafst okkur félögunum kostur á að bragða á tveim drykkjum af honum annarsvegar „Grapefruit smash“ og hinsvegar „Fizzy strawberry and rosmary Sangria“ sem var borin fram í forláta sultukrukku.

Í heildina litið lítur þetta mjög vel út hjá þeim og óskar freisting.is þeim alls hins besta í framtíðinni.

Myndir og texti: Kristinn Jakobsson og Magnús Örn Friðriksson.