Nauthóll kominn á sinn stað í Borgarnesi

Það er ekki á hverjum degi sem heilu veitingastaðirnir flytjast í heilu lagi frá einum stað á annan, en slíkt átti sér stað í Borgarnesi í nótt. Um er að ræða flutning á húsi sem áður hafði það hlutverk að vera veitingastaðurinn Nauthóll við Nauthólsvík.

Flutningurinn gekk með ágætum og var húsinu komið fyrir á grunni við Hrafnaklett, en þar hefur verið unnið að undirbúningi og framkvæmdir við grunn staðið yfir undanfarnar vikur. Páll Björgvinsson arkitekt keypti húsið á síðastliðnu ári og hefur það verið geymt í rúmlega 9 mánuði að Sólbakka og beðið þess sem verða vildi.

Að hæfilegum meðgöngutíma liðnum hyllir nú undir að kaffihús opni við Hrafnaklett.

Greint frá á Vesturlands vefnum Skessuhorn.is

Mynd: Skessuhorn.is | [email protected]