Aprílgabb Veitingageirans vakti kátínu

Það fór ekki fram hjá mörgum að Veitingageirinn.is tók þátt í árlegu aprílgabbi með stæl.  Tvær fréttir birtust á síðunni þann 1. apríl sem vöktu bæði furðu og kátínu – enda var sannleiksgildið í þeim frekar takmarkað.

Markmiðið var einfalt: að létta lundina, minna á að húmor á fullan rétt á sér í veitingageiranum og leyfa fólki að brosa aðeins yfir hversdagsleikanum.

Aprílgabb Veitingageirans var eftirfarandi:

Kaffisala bönnuð eftir kl. 14 – Nýjar reglur um koffín á veitingastöðum

Skylda að nota örbylgjuofn í nýrri kokkakeppni – glæsileg verðlaun í boði

Við viljum þakka lesendum fyrir að taka gabbið með jafnaðargeði – og biðjumst að sjálfsögðu velvirðingar ef einhver lét glepjast. Það var þó allt í gríni gert, og við vonum að þessi litla uppákomma hafi glatt sem flesta.