Vel heppnað Íslandsmót í rúllupylsugerð – Hafdís og Matthías sigruðu annað árið í röð

Vinningshafar
F.v. Jón Jónsson frá Kirkjubóli, Hafdís Sturlaugsdóttir og Kirkjubólssystkinin Jón Valur Jónsson og Dagrún Ósk Jónsdóttir

Íslandsmótið í rúllupylsugerð var haldið laugardaginn 23. nóvember 2013 s.l. í félagsheimilinu Sævangi á Ströndum. Keppnin var haldin í annað sinn af Slow food samtökunum á Íslandi og Sauðfjársetrinu á Ströndum.

Keppnisreglur:

• Þáttakendur mega koma með eins margar gerðir rúllupylsu og þeir vilja.
• Þáttakendur bjóða gestum að smakka á rúllupylsunum.
• Dómnefnd valinkunnra matgæðinga og smakkara munu leggja dóm á lykt, áferð, bragð, framsetningu og frumleika.
• Viðurkenningar verða veittar fyrir 3 efstu sætin og aukaverðlaun fyrir frumleika.

Til keppni komu 11 tegundir af rúllupylsum og engar tvær eins, þannig að dómnefnd hafði nóg að gera að smakka, lykta og horfa á herlegheitin.

Dómnefndin – F.v. Bára Karlsdóttir, Sverrir Þór Halldórsson og Halla Steinólfsdóttir

Í dómnefndinni voru eftirfarandi:

• Halla Steinólfsdóttir bóndi frá Slow food
• Bára Karlsdóttir veitingamaður á Café Riis Hólmavík
• Sverrir Þór Halldórsson Matreiðslumeistari

Úrslit urðu þessi:

1. sæti Hafdís Sturlaugsdóttir með rúllupylsuna Fjalladrottningin

Fjalladrottningin

1. sæti

Í fyrsta sæti var Fjalladrottningin en höfundar eru Hafdís Sturlaugsdóttir og Matthías Lýðsson í Húsavík. „Villijurtabragðið kemur vel í gegn og sérstaklega er blóðbergið yfirgnæfandi“, og þar með vörðu Hafdís og Matthías titillinn frá því í fyrra.

2. sætið Jón Jónsson með rúllupylsuna Strandasæla

Strandasæla

2. sæti

Í öðru sæti var Strandasæla, sem Jón Jónsson aðstoðarmaður hjá Ferðaþjónustunni Kirkjubóli á Ströndum hafði útbúið, með sojasósu, rauðlauk og sveppum.

3. sætið og frumlegasta rúllupylsan fengu Kirkjubólssystkinin Jón Valur Jónsson og Dagrún Ósk Jónsdóttir

Ein með öllu – Frumlegasta rúllupylsan

3. sæti og frumlegasta rúllupylsan

Í þriðja sæti var rúllupylsan „Ein með öllu“ sem Jón Valur Jónsson og Dagrún Ósk Jónsdóttir á Kirkjubóli gerðu. Þau notuðu hráan lauk og steiktan, tómat, remúlaði og sinnep í sína rúllupylsu. Sú pylsa var einnig valin sú frumlegasta í keppninni.

Vel var að þessu staðið og samfélaginu til framdráttar.

Myndir: Valdís Einarsdóttir