Veitingahús ársins á Norðurlöndunum er Geranium

Frá verðlaunaafhendingu á Munkebo Kro við Odinsvé í gær

Nordic Prize í ár fékk Geranium í Danmörku.  Eigandi og matreiðslumeistari Geranium er stjörnukokkurinn Rasmus Kofoed, en hann hefur m.a. keppt fjórum sinnum í Bocuse d’Or, fyrst árið 2005 og þar fékk hann brons, árið 2007 fékk hann silfur, keppti í undankeppni Bocuse d’Or árið 2010 og vann þar til gullverðlauna og náði svo toppnum árið 2011 og fékk gullstyttuna frægu.

Geranium hefur 2 Michelin stjörnur og er númer 45 á San Pellegrino listanum yfir 50 bestu veitingahús í heimi.

Verðlaunin voru afhent við hátíðarkvöldverði í Munkebo Kro í Odinsvé í gær, en viðstaddir voru fulltrúar veitingastaða, fréttamenn og fulltrúar dómnefnda á Norðurlöndunum.

Þau veitingahús sem kepptu um Nordic Prize í ár voru:

• Ylajali, Oslo
• Olo, Helsinki
• Geranium, København
• Dill, Reykjavík
• Daniel Berlin, Tranås

Þeir sem hafa fengið Nordic Prize áður:

• 2012: Maaemo, Esben Holmboe
• 2011: Henne Kirkeby Kro, Allan Poulsen
• 2010: Matsalen, Mathias Dahlgren
• 2009: noma, René Redzepi

Nánari upplýsingar er hægt að lesa á heimasíðu thenordicprize.com

Mynd: thenordicprize.com

/Smári