Ship O Hoj lokað í Borgarnesi

Búið er að ákveða að loka næstkomandi föstudag fisk- og kjötréttaversluninni Ship O Hoj, sem opnuð var fyrr á þessu ári við Brúartorg í Borgarnesi. Um ástæðu lokunarinnar segir Gunnar Örlygsson eigandi að veltan hafi því miður ekki verið nógu mikil til að standa undir rekstrarkostnaði, að því er fram kemur á vefnum Skessuhorn.is í dag.

Þau hafi opnað aðra Ship O Hoj verslun í Keflavík og þar sé veltan sjö sinnum meiri en hún hefur verið undanfarnar vikur í Borgarnesi.

Ég vil koma á framfæri þakklæti til viðskiptavina í Borgarnesi fyrir samfylgdina og traustið. Við vonum að sama skapi að önnur og stærri verslun á svæðinu taki upp þessa þjónustu að bjóða Borgfirðingum upp á kjöt- og fiskborð. Það er mikilvægt að þjónusta af þessu tagi sé í boði

, segir Gunnar Örlygsson að lokum við Skessuhorn.is.

Mynd: af facebook síðu Ship O Hoj.

/Smári