Íslenskir handsmíðaðir eldhúshnífar

Soffía Sigurðardóttir og Páll Kristjánsson

Fyrirtækið er staðsett í Álafosskvosinni í Mosfellsbæ og er rekið af hjónunum Páli Kristjánssyni og Soffíu Sigurðardóttir.

Fyrstu árin voru þau aðallega í að gera dálka með mismunandi sköftum úr margskonar við og einnig voru þau að setja, horn, tennur og fleira hart úr nátturunni á skaftið á hnífunum.

Nú nýlega bættu þau við að gera eldhúshnífa og eru handföngin úr við og tönn í mörgum útfærslum, einnig er blaðið sjálft skrautlegt eftir því hvernig stálið hefur verið barið saman og setur það skemmtilegan svip á hnífsblaðið.

Úlli Finnbjörnsson hafði samband við mig og dró mig upp í Moso til að kíkja á þessa hnífa, ég tók um nokkra og merkilegt en það var eins og þeir væru sniðnir fyrir lófann svo vel lá skaftið, þyngdarpunkturinn er ofarlega á hnífnum þannig að það er þægilegt að beita honum.

Öll smíðin er fagmannlega gerð og er kominn þarna hnífur til að gefa, eða nota í fyrirskurði og einnig væri sómi í því að KM gæfi íslenskan hníf í verðlaun í keppnum, en hægt er að grafa á hnífsblaðið með laser.

Ég mæli hiklaust með þessum hnífum, það er hægt að skoða þá í versluninni Brynju á Laugaveginum og á www.knifemaker.is

Vonandi verður góður gangur í þessari hnífagerð því við fagmenn ættum að vera stoltir af að nota þá.

/Sverrir