Dögurður á Metro

Nú nýlega hóf Metro að bjóða upp á dögurð á laugardögum og sunnudögum og fór ég um síðastliðna helgi og prófaði hann.

Boðið er upp á annars vegar breskan og hins vegar stóran og geta menn séð muninn með að fara inn á www.metroborgarinn.is, ég valdi þann breska og kemur hér lýsing á honum.

Á bakkanum er salat, eggjahræra, beikon, kartöflur, kokteilpylsur, bakaðar baunir, ristað brauð, melónur, amerísk pönnukaka og hlynsíróp.

Breskur dögurður á Metro

Þetta smakkaðist alveg prýðilega, utan þess að beikonið var ekki girnilegt, á móti þá tókst Metro mönnum að gera alveg frábæra eggjahræru, hlutur sem dögurðurinn á stóru hótelunum virðist ekki megna að gera, heldur bjóða upp á eggjahlaup sem eggjahræru.

Jarðaberjaostakaka

Í dessert fékk ég mér Jarðaberjaostaköku og var hún helst til stíf en alveg svakalega bragðgóð.

Metro til hamingju með þennan rétt og að vera fremri stóru hótelunum í að gera hrærð egg.

/Sverrir