Café Retro er flutt á Grandann

Þau Hjónin Sandra Guðmundsdóttir og Magnús Magnússon, hafa verið í Hamraborginni í Kópavogi með Café Retro þar til nú nýlega, að þau fluttu reksturinn vestur á Granda, nánar tiltekið í gamla Slysavarnarfélagshúsið.

Staðurinn tekur um 25 manns í sæti og svo er verönd fyrir utan með um 15 sæti, boðið er upp á heimabakaðar kökur, múffur, hjónabænds-sælu og Belgískar vöfflur, einnig er sjávarréttarsúpa og súpa dagsins á boðstólunum, fréttamaður fékk að smakka á súpu dagsins sem var engiferilmuð gulrótarmauksúpa og bragðaðist hún bara virkilega vel, svo komu Belgísk vaffla með súkkulaði, rabbabarasultu og þeyttum rjóma og var það algjört sælgæti.

Eigendurnir eru mjög jarðbundnir og eru að bíða eftir að fá meira pláss þannig að þau verði með alla hliðina sem snýr að höfninni, og verður gaman að fylgjast með, því það er alltaf að aukast afþreyingin sem er í boði á Grandanum, hvernig þeim reiðir af.

Við á Veitingageiranum óskum þess alls hins besta í framtíðinni.

/Sverrir

Twitter og Instagram: #veitingageirinn