600 til 700 kíló af borðskrauti í hinu margumtalaða villibráðahlaðborði hans Úlla

Úlfar Finnbjörsson matreiðslumeistari

Úlfar Finnbjörsson verður með hið margumtalaða villibráðahlaðborð á Grand hóteli þann 4. og 5. október n.k.  Við fórum og hittum meistarakokkinn og spurðum nokkurra spurninga um þetta glæsiborð.

Það tekur Úlfar 4 til 5 daga að útbúa réttina fyrir hlaðborðið en mesti tíminn fer í að redda allri villibráðinni.  Hann er að veiða eitthvað fyrir borðið, en þegar tímabilið er í gangi þá er hann að elda.  Áður en Úlfar fór að læra kokkinn, þá var hann veiðimaður og uppstoppari.  Á því tímabili var svo mikið af afgangskjöti að hann sagðist ætla að læra kokkinn til að getað eldað úr þessu kjöti sem hann var með.

Á hlaðborðinu er hann með um 30 til 40 kalda rétti og svo 7 heita rétti.  Allur maturinn er borinn fram á íslensku birki sem er hrikalega flott og var gróðursett við Mógilsá í Kollafirði.

Hann segir að þetta snúist ekki eingöngu um matinn heldur líka um „showið“ því það eru um 600 til 700 kg af hlutum fyrir utan mat á borðinu.  Þetta mun verða virkilega flott og verður skemmtilegt að kíkja þangað og snæða íslenska villibráð í sínu besta og fallegasta á hlaðborðinu hjá Úlfari.

/Björn