Vel heppnað Pop-Up á Nielsen – Myndir

Ólöf Ólafsdóttir var með eftirrétta Pop-Up á veitingastaðnum Nielsen á Egilsstöðum frá 23. til 25. júní s.l. Vel heppnaður viðburður og var fullsetið í salnum alla þrjá dagana.

Sjá einnig: Viðburður sem enginn sælkeri ætti að láta fram hjá sér fara

Ólöf er konditor og pastry-chef að mennt en hún hóf starfsferil sinn á Apótek Restaurant árið 2015 og starfaði þar í tæp 2 ár. Þar fékk hún að kynnast eftirrétta heiminum enda Apótekið þekkt fyrir frábæra eftirrétti og varð Ólöf í kjölfarið strax hugfangin af kökum og eftirréttum.

Ólöf starfar nú á veitingastaðnum Monkeys.

Með fylgja myndir frá viðburðinum og eru þær teknar í miðri service:

Skyrmús með kerfil geli og hundasúru sorbet.
Skyrið fékk Ólöf frá fjósahorninu í Egilsstaðarbýli. Ólöf týndi svo kerfilinn og hundasúrurnar í náttúruperlunni á Egilsstöðum.

Gamaldags kransakaka með þurrkuðum rabarbara, rabarbara sorbet og er rabarbarinn beint úr garðinum fyrir utan Nielsen

Hvítsúkkulaði með bláberja líkjöri

Myndir: aðsendar