Ris a la mande ostakaka í glösum

Ris a la mande ostakaka í glösum

Grautur

50 g grautagrjón

75 g vatn

250 g mjólk

Hitið mjólkina ásamt vatninu að suðu og hellið grjónunum svo út í. Lækkið undir hellunni og leyfið grautnum að malla þangað til að grjónin eru orðin mjúk. Þegar grauturinn er tilbúinn er hann settur inn í kæli.

Kex botn

100 g biscoff kex

40 g brætt smjör

Myljið kexið og blandið smjörinu saman við. Setjið í botninn á eftirréttaflösunum og setjið þau inn í kæli til að botninn stífni.

Ostaköku og ris a la mande mús

50 g flórsykur

150 g kaldur grautur

50 g rjómaostur

1 tsk möndludropar

Fræ úr einni vanillustöng

40 g hakkaðar möndlur

150 g þeyttur rjómi

ein krukka/ferna af kirsuberjasósu

Létt þeytið rjómann í hrærivél, setjið hann í skál og leggið til hliðar. Þeytið saman flórsykur, rjómaost og graut, bætið möndludropunum, hökkuðu möndlunum og vanillunni saman við.

Að lokum blandið þið varlega saman við létt þeytta rjómanum með sleikju.

Fyllið eftirrétta glösin með músinni en passið að skilja smá pláss eftir fyrir kirsuberja sósuna.

Setjið glösin aftur inn í kæli í 1-2 klukkutíma, hellið kirsuberja sósunni yfir músina áður en þið berið hana fram.

Ef Instagram færslan birtist ekki hér fyrir neðan er ráð að endurhlaða síðuna (e. refresh).

 

View this post on Instagram

 

A post shared by Ólöf Ólafsdóttir (@olofolafs)

Ólöf Ólafsdóttir

Höfundur er Ólöf Ólafsdóttir konditor og pastry-chef.