Veitingahúsið Vitinn í Sandgerði opnar kaffihús og sjávarréttastað

Veitingahúsið Vitinn í Sandgerði við Vitatorg

Vitinn hefur opnað á ný eftir gagngerar breytingar og stefnir á ný mið.  Sjávarréttir og kaffihús er meðal þess sem áhersla er nú lögð á.

Matreiðslumeistarinn og eigandi Vitans Stefán Sigurðsson

Matreiðslumeistari og eigandi Vitans er Stefán Sigurðsson en hann lærði fræðin sín á Hótel Sögu og útskrifaðist árið 1974. Stefán hefur m.a. starfað á veitingastöðunum Múlakaffi, Hótel Stykkishólmi, Valaskjálf, Varnaliðinu og síðan á Veitingastaðnum Vitanum.

Veitingahjónin Stefán og Brynhildur Kristjánsdóttir byggðu Vitann fyrir 25 árum.  Til gamans má geta þess að þau handgrófu fyrir sökklinum og frá fyrstu skóflustungu og þar til staðurinn opnaði, liðu 3 og hálfur mánuður, en þá snæddi fyrsti gesturinn  kvöldverð.

Veitingahúsið Vitinn býður upp á hádegisverðarétti, glæsilegan kaffihúsamatseðil, úrval léttra veitinga í bistró umhverfi, fjölbreyttan og girnilegan A la carte kvöldverðamatseðill.

Vitinn býður einnig upp á veislur við öll tækifæri, getur tekið á móti öllum stærðum af hópum og er með spennandi hópmatseðla.

Pöntunarsími er: 423 7755 og netfangið er [email protected]

Opnunartími:
Opið er alla daga og opnunartími er frá 11;30 – 21°° virka daga og Laugardaga.
Sunnudagar frá 14°° – 21°°

Sýnishorn af A la carte kvöldverðamatseðli:

• Sýnishorn af Súpu og forréttamatseðli….
  – Sjávarréttasúpa Vitans í brauðkollu kr. 1.390.-
  – Gambas rækjur m/ hvítlauk og chili í hvítlauksolíu kr. 1.250.-

• Sýnishorn af Aðalréttum….
  – Hvítlaukskryddaður steinbítur m/ röstí kartöflum, grænmeti og salati kr. 2.250.-
  – Saltfiskur með ólífum sólþurrkuðum tómötum, lauk, papriku, sveppum og meðlæti kr. 2.450.-
  – Lambasteik m/ rjómapiparsósu, steiktum kartöflum, grænmeti og fersku salati kr. 2.800.-

Ljósmyndari Freisting.is fékk að fylgjast með einni kvöldstund á Vitanum og var í nógu að snúast eins og eftirfarandi myndir sýna:

Veitingahjónin Brynhildur Kristjánsdóttir og Stefán Sigurðsson

Myndir: Freisting.is | [email protected]