Veitingageirinn hreppti 2. sætið í keilumóti prent- og vefmiðla

Keilulið veitingageirans, f.v.: Bragi Þór Hansson, Axel Þorsteinsson, Hinrik Carl Ellertsson og Björn Ágúst Hansson

Í gær fimmtudaginn 30. janúar var haldið glæsilegt keilumót fyrir prent og vefmiðla af Mekka Wines og Spiritis, Fellini og Keiluhallarinnar í Egilshöll.

Það voru 10 miðlar sem mættu og kepptu um glæsilegan Miller farandbikar.

Fyrst voru allir boðnir velkomnir og farið yfir dagskrá kvöldins, opnað var fyrir brautirnar og fólki leyft að taka nokkur æfingaskot.  Auðvitað var barinn opinn og enginn gat farið þyrstur þaðan út.  Eftir nokkur æfingaköst var farið inná veitingastaðinn Fellini og boðið að smakka rétti sem fara inn á matseðilinn á mánudaginn næstkomandi.  Maturinn bragðaðist mjög vel, en á boðstólnum var:

Mini burger með beikon sultu

Bjórsoðin svínarif

Úrval af pítsum

Eftir matinn var svo komið að sjálfu mótinu, en reglurnar voru meðal annars að ef leikmaður náði fellu þá þurfti viðkomandi að taka skot og eins ef kúlan fór í rennuna frægu.  Virkilega skemmtilegt kvöld og var ekki annað að sjá en að allir skemmtu sér konunglega.  Mekka menn segja að stefnt verður á að hafa þetta mót að árlegum viðburði og erum við strax byrjaðir að skipuleggja stíft æfingaprógram.

Úrslit urðu eftirfarandi:

1. sæti – Séð og Heyrt
2. sæti – Veitingageirinn.is
3. sæti – Bland.is

Þeir sem kepptu fyrir hönd veitingageirans voru:

• Axel Þorsteinsson, bakari & konditor
• Björn Ágúst Hansson, matreiðslunemi
• Bragi Þór Hansson, matreiðslunemi
• Hinrik Carl Ellertsson, matreiðslumeistari

Myndir: Þorgeir Ólafsson