Vatnsrúm og fótabað og svo í hamborgara

Skyndibitakeðjan McDonalds fer heldur betur ótroðnar slóðir með nýjasta uppátæki sínu, en McDonalds býður núna 200 kúm í nokkrum bæjum í Evrópu upp á sérhönnuð vatnsrúm og fótabað í hverri viku, en með þessu er keðjan að sýna fram á umhyggju á dýrum.

Það var bbl.is sem greindi frá:

„Vatnsrúmin eiga að leiða til betri svefns fyrir kýrnar og vonast er til að fótaböðin komi í veg fyrir að kýrnar fari að haltra. Takist þessi tilraun vel mun fleiri bændum í Evrópu verða boðin þátttaka í verkefninu.

Bóndinn Anton Stokman í Hollandi er eigandi einn bæjanna sem tilraunaverkefnið nær til. „Það sem er gott fyrir dýrin er líka gott fyrir bændurnar“, sagði hann aðspurður um verkefnið.“

/Smári