Úrvals fljótandi kraftar (fond)

John Lindsay hefur til sölu úrvals fljótandi krafta (fond) frá TORO, á frábæru verði. Kraftarnir eru mjög þéttir í sér (high concentrated) og hver flaska gefur 22 lítra af krafti, miðað er við að nota ca. 1 dl af krafti fyrir hverja 3 lítra af vökva.

Vörur frá TORO innihalda enga pálmaolíu. Allir fljótandi kraftarnir eru glútenlausir. Flestir kraftarnir innihalda enga ofnæmisvalda nema skelfiskkrafturinn (fisk/skelfisk) og lambakrafturinn (soja).

Lambakraftur, 6% lambakjöt. Ljúffengur lambakraftur með bragði af blaðlauk, lauk, hvítlauk og rauðvíni sem gefur virkilega gott bragð og karakter.

Kjúklingakraftur, 11% kjúklingakjöt. Ljúffengt bragð af kjúklingi, blaðlauk, lauk og gulrótum. Passar frábærlega í ljósar súpur, sósur, grýtur og maríneringar.

Nautakraftur, 3% nautakjötþykkni. Dökkur kraftur og mikil fylling, bragð af nautakjöti, gulrótum, blaðlauk, lauk, tómat og rauðvíni. Passar fullkomlega í dökkar sósur, grýtur og maríneringar.

Villikraftur, 7% hreindýrakjöt. Frábær kraftur með hreinu bragði af villibráð og einiberjum.

Skelfiskskraftur, 11% skelfiskur (rækjur og krabbi). Virkilega góður skelfiskkraftur sem passar fullkomlega í súpur, sósur, grýtur og til að auka bragð af fisk- og skelfiskréttum.

Svínakraftur, 8% svínakjöt. Virkilega góður svínakraftur með bragði af blaðlauk og lauk. Mjög góður grunnur eða til bragðaukningar í sósur, grýtur og maríneringar.

Ítarlegri upplýsingar má finna í gagnagrunni TORO hér.

Fyrir pantanir og fyrirspurnir vinsamlega hafið samband við Þröst Ríkharðsson, viðskiptastjóra á stóreldhúsasviði í gegnum [email protected] eða í síma 863 5331.