Úrslit í kokkakeppnunum – Vel heppnuð hátíð – Myndir

Local Food Festival 2019 er nú lokið. Margmenni var í Hofi, Menningarhúsi Akureyringa í dag þar sem 38 fyrirtæki tóku á móti gestum og gangandi.

Viðburðir voru margir á sýningunni í ár og krýndir voru Local Food meistara í þremur flokkum.

Forréttarkeppni matreiðslu nema, aðalréttakeppni matreiðslumanna og eftirréttarakeppni bakara og matreiðslunema/-manna.

Forréttarkeppni matreiðslunema:

Forréttur sem  verður að innihalda bleikju og blómkál í  aðalatriði.

Koma má með allt hráefni unnið og því aðeins um lokaeldun og uppstillingu á réttinum að ræða.

Keppandi verður að vera skráður á námssamning í matreiðslu.

Keppandi verður að skila fullbúinni uppskrift og lýsingu réttarins. Eitt eintak til sýnis við keppnisborð með nafni og eitt nafnlaust eintak til dómara. Uppskrift verður eign Klúbbs matreiðslumeistara á norðurlandi.

Sigurvegari – Bjarni Þór Ævarsson hjá Strikinu.

Aðalréttakeppni matreiðslumanna:

Aðalréttur sem verður að innhalda lamb á tvo vegu.

Koma má með allt hráefni unnið og því aðeins lokaeldun og uppstillingu á réttinum að ræða

Keppandi verður að vera með sveinsbréf í matreiðslu.

Keppandi verður að skila fullbúinni uppskrift og lýsingu réttarins. Eitt eintak til sýnis við keppnisborð með nafni og eitt nafnlaust eintak til dómara. Uppskrift verður eign Klúbbs matreiðslumeistara á norðurlandi.

Sigurvegari – Árni Þór Árnason hjá Strikinu.

Eftirréttarakeppni bakara og matreiðslunema/-manna:

Eftirréttur sem verður að innhalda Ricotta ost og vanillu.

Koma má með allt hráefni unnið og því aðeins lokaeldun og uppstillingu á réttinum að ræða.

Keppandi verður að vera á námssamning/- með sveinsbréf í matreiðslu/- eða bakstri.

Keppandi verður að skila fullbúinni uppskrift og lýsingu réttarins. Eitt eintak til sýnis við keppnisborð með nafni og eitt nafnlaust eintak til dómara. Uppskrift verður eign Klúbbs matreiðslumeistara á norðurlandi.

Sigurvegari – Jón Arnar Ómarsson hjá Strikinu.

Flottustu básarnir:

Veitt voru verðlaun fyrir fallegasta básinn og frumlegasta básinn. Einnig voru veitt verðlaun sem nefnd eru frumkvöðull ársins í mat og matarmenningu.

Fallegasti básinn: Matarkista Skagafjarðar

Frumlegasti básinn: Milli fjöru og fjalla

Frumkvöðull ársins: Norðlenska

Á sýningunni fór fram uppboð þar sem söfnuðust um 250.000 kr. til styrktar Krabbameinsfélags Akureyrar og nágrennis.

Myndir: Linda Ólafsdóttir / Local Food Festival