Uppskrift: Ítalskar kjötbollur með kotasælu og tagliatelle

Einstaklega góðar og fljótlegar ítalskar kjötbollur með parmesan og kotasælu sem gera þær mjúkar og baðgóðar með ferskum kryddjurtum. Hægt að bera fram með sinni uppáhalds pastasósu og hvítlauksbrauði.

Kvöldmatur sem allir elska. Bollurnar er einnig hægt að bera fram einar og sér með góðri sósu til að dýfa í.

Ítalskar kjötbollur með kotasælu og tagliatelle

Ca. 35-40 bollur

Innihald

1 kg naukahakk

2 egg

200 g kotasæla

30 g parmesan ostur

30 g brauðrasp

2 hvítlauksgeirar

5 g fersk basilíka

15 g af ferskri steinselju

1 tsk oregano

2 tsk sjálvarsalt

1 dós af tómat pastasósu

500 g tagliatelle

Aðferð

1. Hitið ofninn í 180 gráður.
2. Setjið hakk, egg, kotasælu, parmesan ost rifinn, brauðrasp ferska basilíku, ferska steinselju, oregano og sjávarsalt saman matvinnsluvél og látið hana vinna þar til allt hefur náð að blandast saman. Einnig má hnoða þetta saman með höndunum.
3. Setjið smá ólífuolíu í eldfast mót og myndið meðalstórar kúlur út hakkblöndunni og myndið kjötbollur. Raðið þeim í eldfasta  mótið og eldið í 20-25 mínútur eða þar til kjötbollurnar eru full eldaðar í gegn.
4. Á meðan bollurnar eru að eldast þá eldi þið tagliatelle eftir leiðbeiningum á pakkningu.
5. Hitið pastasósuna í potti á meðan að pastað eldast.
6. Þegar tagliatelle er orðið full eldað setjið þið það í fat eða á disk, setjið kjötbollurnar yfir og hellið síðan tómat pastasósunni yfir allt saman. Gott er að bera fram með rifnum parmesan, ferskri basilíku og t.d. hvítlauksbrauði.

Nánar á gottimatinn.is