Uppskrift: Gratíneraður þorskur með sinnepsrjóma

Gratíneraður þorskur með sinnepsrjóma

(Fyrir 4)

750 g þorskur eða annar hvítur fiskur

1 brokkolí- eða blómkálshaus

2 dósir 18% sýrður rjómi frá Gott í matinn

2 msk. dijon sinnep

1 msk. grófkorna sinnep

2 msk. saxað capers

½ blaðlaukur, smátt saxaður

Rifinn ostur

Salt og pipar

Smjör

Fersk steinselja

Kirsuberjatómatar

Aðferð:

1. Hitið ofn í 220 gráður með blæstri. Smyrjið eldfast mót með smá smjöri.
2. Skerið blómkál eða brokkolí smátt og setjið í botninn á eldfasta mótinu. Saltið og piprið.
3. Skerið fiskinn í passlega bita, þerrið, saltið og piprið og leggið ofan á grænmetið.
4. Hrærið saman sýrðum rjóma, sinnepi, capers og blaðlauk. Smakkið til með salti og pipar. Smyrjið ofan á fiskinn.
5. Stráið dálitlum rifnum osti yfir og bakið í 20 mínútur.
6. Berið fram eitt og sér eða með hrísgrjónum og brauði.

Skoða nánar á www.gottimatinn.is