Þessir tíu kokkar komust áfram í undanúrslit í keppninni um titilinn Kokkur ársins 2016

Keppendur og dómarar í fyrra

Keppnin er með nýju sniði í ár og hafa 10 faglærðir kokkar verið valdir áfram í undanúrslit. Í fyrri hluta keppninnar þurftu keppendur að senda inn uppskrift að kjúklingarétti ásamt mynd af réttinum.

Innsendar uppskriftir voru svo dæmdar nafnlaust.

Sjá einnig: Kokkur ársins

Dómnefnd valdi tíu uppskriftir sem þóttu lofa góðu en lagðar voru höfuðáherslur á frumleika, nýtingu á hráefni og útlit réttar.

• Ari Þór Gunnarsson – FISKFÉLAGIÐ
• Arsen Aleksandersson – HAUST FOSSHÓTEL
• Axel Björn Clausen Matias – FISKMARKAÐURINN
• Denis Grbic – GRILLIÐ HÓTEL SAGA
• Hafsteinn Ólafsson – NASA
• Jóel Þór Árnason – PERLAN
• Logi Brynjarsson – HÖFNIN VEITINGASTAÐUR
• Sigurjón Bragi Geirsson – KOLABRAUTIN
• Stefán Elí Stefánsson – PERLAN
• Ylfa Helgadóttir – KOPAR

Keppni í undanúrslitum fer fram á veitingastaðnum Kolabrautinni í Hörpu þann 8. febrúar kl. 10.00–15.00. Úrslit verða tilkynnt kl. 16.00. Öllum er velkomið að fylgjast með keppninni og hvetja sitt fólk. Af þeim tíu sem elda réttinn verða fimm valdir sem þykja standa sig best til að taka þátt í úrslitakeppninni sem haldin verður á jarðhæð Hörpu laugardaginn 13. febrúar þar sem sigurvegarinn mun verða krýndur í lok dags.

Mynd: Eiríkur Ingi Bengtsson Helgason