Þessi keppa til úrslita í Íslandsmóti framreiðslunema 2013

Frá æfingu Norrænni nemakeppni í framreiðslu í mars 2013

Nemakeppni í framreiðslu og matreiðslu fer fram á morgun laugardaginn 28. september í Hótel- og matvælaskólanum.  Fimm keppendur voru skráðir til leiks hjá framreiðslunemunum, en tveir hafa tilkynnt veikindi og eru þá einungis þrír sem keppa á morgun.

Þau þrjú sem keppa á morgun í framreiðslu eru:

• Alfreð Ingvar Gústafsson, framreiðslunemi á Fellini
• Ólöf Rún Sigurðardóttir, framreiðslunemi á Radisson Blu
• Ólöf Vala Ólafsdóttir, framreiðslunemi á VoX

Í framreiðslu verður keppt í borðskreytingu, framreiðslu, blöndun drykkja, flamberingu og sérvettubrotum.  Framreiðslunemarnir byrja á sama tíma og matreiðslunemarnir, þ.e. klukkan 08:30 í fyrramálið laugardaginn 28. september og byrja á því að keppa í blöndun drykkja, flambera, setja upp borð og borðskreytingu og framreiða síðan 3ja rétta máltíð frá kl. 12:30. Það eru fjórir gestir sem sitja til borðs. Fimmti rétturinn fer í smakk og sjötti fer í útstillingu.

Mynd: Matthías

/Smári

Taggaðu okkur á Instagram: #veitingageirinn og myndirnar birtast sjálfkrafa á forsíðunni.