Súkkulaði mousse

Silkimjúkt súkkulaði mousse er fullkominn eftirréttur fyrir hvaða tækifæri sem er. Toppið það með þeyttum rjóma, berjum eða sykruðum hnetum.

Fyrir 4:
Rjómi, 250 ml
Súkkulaði 70%, 50 g
Mjólkursúkkulaði, 50 g
Eggjarauður, 2 stk
Sykur, 2 msk
Vanilludropar, 1 tsk
Kanill, 0,5 tsk

1. Skerið súkkulaði gróflega og bræðið í örbylgjuofni. Hitið í 15 sek í einu og hrærið á milli þar til það er full bráðið.
2. Setjið eggjarauður, 100 ml af rjóma, 1 msk sykur og vanilludropa í lítinn pott. Stillið á miðlungshita og hrærið þar til blandan er farin að þykkna nógu mikið til að hylja bakið á skeið, 4-5 mín. Varist að láta blönduna sjóða.
3. Hrærið vanilludropum, kanil og bráðnu súkkulaði saman við og sigtið blönduna í skál. Leyfið að kólna.
4. Þeytið restina af rjómanum með restinni af sykrinum og blandið svo varlega saman við súkkulaðiblönduna. Deilið á milli 4 skála eða glasa, kælið og berið fram með td hindberjum og sykruðum hnetum.

Mynd og höfundur: Snorri Guðmundsson | Matur & Myndir