Sölvi B. Hilmarsson sæmdur Cordon Bleu orðu Klúbbs matreiðslumeistara

Bræðurnir Bjarki Ingþór formaður orðunefndar og Sölvi B. Hilmarssynir og Þórir Erlingsson forseti Klúbbs matreiðslumeistara

Á árshátíð Klúbbs matreiðslumeistara sem haldin var nýverið á hótel Geysi í Haukadal var Sölva B. Hilmarssyni matreiðslumeistara veitt Cordon Bleu orða Klúbbs matreiðslumeistara en orðan er veitt þeim sem sýnt hafa fram á framúrskarandi starf í þágu matreiðslufagsins.

Sölvi er Selfyssingur en hefur starfað víða um land þó lengst af á suðurlandi.  Áhugi Sölva fyrir matreiðslu byrjaði mjög snemma með allskonar tilraunastarfsemi á æskuheimilinu þar sem hann eldaði hádegismat fyrir fjölskylduna.

Formlegt nám hófs svo á Aski á Suðurlandsbraut en klárði svo námið hjá Lárusi Loftssyni á Veitingamanninum en Sölvi tók svo við rekstrinum ásamt fleirum.

Eftir einhvert flakk um landið, þar sem hann starfaði t.d. á Laugum fór Sölvi aftur á Selfoss þar sem hann hóf störf hjá Sælkeravinnslunni og tók svo yfir þann rekstur og rak veisluþjónustu á suðurlandi til margra ára ásamt því að reka verslunina Rimlakjör á Litla Hrauni.

Sölvi hefur undanfarið ár starfað í Hvíta húsinu á Selfossi, hann tók þátt í stofnun KM suðurland haustið 2023 og er í forsvari fyrir deildina ásamt Bjartmari Pálmasyni og Bjarna Hauk Guðnasyni.

Það er sjaldan lognmolla í kringum Sölva og var hann ritari í stjórn KM 2006-2007 ásamt því að hafa verið með rétt á Hátíðarkvöldverði KM.

Sjá einnig: Óskar Finnsson sæmdur Cordon Bleu

Sjá einnig: Snædís Xyza Mae Ocampo sæmd Cordon Bleu

Myndir: kokkalandslidid.is