Sóley sýnir frá einum stærsta vínviðburði Spánar fyrir fagfólk á Snapchat Veitingageirans

Sóley Björk Guðmundsdóttir

Barselóna iðar þessa dagana af lífi, eða víni öllu heldur. Barcelona Wine Week, einn stærsti vínviðburður Spánar fyrir fagfólk, stendur yfir á mánudag, þriðjudag og miðvikudag.

Á sýninguna mæta tæplega 1000 vínframleiðendur frá öllum framleiðsluhéruðum Spánar með afurðir sínar og ætla má að tegundir vína séu vel yfir 10.000.

Þar er að finna allan skalann í vínframleiðslu, klassísk spænsk rauðvín, náttúruvín þar sem eins lítið er átt við ferlið og komist er upp með, vín sem er ætlað almennum markaði og vín sem fer aldrei inn í búðir heldur bara á öftustu síður í vínseðlum veitingahúsa.

Mikið af heimsþekktum spænskum framleiðendum taka þátt og innan um þá má finna litla framleiðendur sem eru bara með 4-5 tegundir í litlu upplagi. Heimsókn á hátíðina er því sérstaklega skemmtileg leið til að sjá breiddina sem Spænski vínheimurinn hefur upp á að bjóða.

Sýningin dregur að sér fagfólk í vín- og matvælageiranum alls staðar að úr heiminum, meðal annars Sóleyju Björk Guðmundsdóttur sem sýnir frá hátíðinni á snapchat aðgangi Veitingageirans.

Sóley er vínfræðingur og búsett í Barselóna þar sem hún býður upp á vínsmakkanir, tapasrölt um borgina og skipuleggur heimsóknir til vínframleiðenda, auk þess að halda úti instagram síðunni A table for one in Barcelona, sjá nánar hér.

 

View this post on Instagram

 

A post shared by BarSolona (@atableforoneinbarcelona)

Aðsendar myndir: Sóley Björk Guðmundsdóttir